4 C
Grindavik
7. mars, 2021

Magnitskjí-lög í ESB

Skyldulesning

8.12.2020
9:47

Óhjákvæmilegt er fyrir íslensk stjórnvöld að
fylgjast náið með öllu sem gert er beggja vegna Atlantshafs í krafti Magnitskjí-laga.

ESB-ríkin hafa formlega innleitt nýjar refsireglur
gegn þeim sem brjóta á mannréttindum. Reglurnar eru sniðnar eftir bandarískum
reglum sem þekkar eru undir heitinu Magnitsky Act – Magnitskjí-lögin í
höfuðið á lögfræðingi sem rússnesk yfirvöld gengu að dauðum í skjóli Vladimirs
Pútins þegar hann afhjúpaði fjársvik þeirra. Fjármálamaðurinn Bill Browder réð
Magnitskjí til starfa fyrir sig í málaferlum við Kremlverja. Eftir dauða
lögfræðingsins hóf Browder baráttu gegn ódæðismönnum hans.

Í skjölum ESB heita nýju reglurnar á ensku European
Union Global Human Rights Sanctions Regi
me. Ursula von der Leyen, forseti
framkvæmdastjórnar ESB, kallar þær óformlega evrópsku Magnitskíj-lögin og sömu
sögu er til dæmis að segja um Mark Rutte, forsætisráðherra Hollands.

Endanlega tóku reglurnar gildi mánudaginn 7.
desember þegar utanríkisráðherrar ESB-ríkjanna staðfestu þær á fundi í Brussel.
Utanríkisráðherra Ungverjalands hafði dregið lappirnar í málinu en Viktor Orbán,
forsætisráðherra landsins, hallar sé að Pútin þegar hann telur henta sér.

Í reglunum eru ákvæði um bann við að gefnar séu
út vegabréfsáritanir fyrir einstaklinga sem eru sekir um glæpi gegn mannkyni,
þrælahald, aftökur án dóms og laga, mannshvörf og ólögmætar handtökur.
Jafnframt er veitt heimild til að frysta eignir þessara einstaklinga.

Þá er heimild til málsóknar gegn þeim sem bera
ábyrgð á mansali, kynferðisofbeldi og þeim sem leggja stein í götu friðsamlegra
funda, mál- eða trúfrelsis. Á vegum ESB verður einnig snúist gegn þeim hafa fjárhagslegan
ávinning af mannréttindabrotum.

E9b9164fea696c73946cb0150cd64140-800xSergei Magnitskjí

Sætt hefur gagnrýni að orðið spillingu
sé ekki að finna í neinni brotalýsingu í reglunum. Gagnrýnendur segja að þetta
kunni að leiða til þess að einhverjir telji sig óhluta með illa fengið fé innan
ESB. Aðrir láta í ljós ósk um að ESB fari strax að fordæmi Breta sem hafi sett
sérstakar reglur gegn spillingu.

Magnitskíj-lög eru að minnsta kosti í gildi í Kanada,
Bandaríkjunum, Bretlandi og Eystrasaltslöndunum.

Bókin Eftirlýstur eftir Bill Browder
kom út hér á landi 2015. Þar lýsir hann baráttu sinni gegn Kremlverjum. Yfirvöld
í Moskvu hafa lýst eftir Browder og vilja draga hann fyrir rétt í Moskvu. Barátta
hans er fleinn í holdi valdamanna í Rússlandi. Þeir beita sér gegn honum með
öllum tiltækum ráðum. Óttast hann um líf sitt og fjölskyldu sinnar.

Óhjákvæmilegt er fyrir íslensk stjórnvöld að
fylgjast náið með öllu sem gert er beggja vegna Atlantshafs í krafti Magnitskjí-laga.
Þess verður að gæta að reglur hér séu ekki þess eðlis að þeir sem settir eru í
bann vegna grimmdarverka og mannréttindabrota telji sig geta notið skjóls hér
vegna skorts á skýru regluverki gegn þeim.

Innlendar Fréttir