Samningur Kylian Mbappe við PSG rennur út nú í sumar. Real Madrid hefur lengi sýnt áhuga á kappanum og telja margir að förinni sé heitið þangað á frjálsri sölu næsta sumar.
PSG er þó tilbúið að borga Mbappe hreint ótrúlegar fjárhæðir, 200 milljónir punda fyrir það eitt að skrifa undir nýjan samning og svo um 50 miljónir punda fyrir hvert tímabil.
Spænskir fjölmiðlar telja að Mbappe vilji prófa eitthvað nýtt og til þess að Real Madrid eigi möguleika þarf liðið að vera tilbúið að gera Mbappe að einum launahæsta leikmanni heims.
Móðir Mbappe, Fayza Lamari, er sögð vera afar hörð í horn að taka og vill að Real Madrid borgi syni hennar að minnsta kosti 125 milljónir fyrir að skrifa undir saminginn hjá spænsku risunum. Auk þess vill hún að hann verði sá launahæsti í boltanum í dag.
