4 C
Grindavik
3. mars, 2021

Manstu eftir 12 ára stelpunni sem sló í gegn í America‘s Got Talent – Svona lítur hún út í dag

Skyldulesning

Ein vinsælasta og eftirminnilegasta áheyrnarprufa America‘s Got Talent er prufa Grace Vanderwaal.

Hún var aðeins tólf ára gömul þegar hún tók þátt árið 2016. Hún mætti ein á svið með ukulele og tókst að sigra hjörtu áhorfenda með frumfluttu lagi. Hún fékk gullhnappinn frá Howie Mandel og endaði með að vinna alla keppnina.

Síðan þá hefur hún gefið út plötu, farið á tónleikaferðalag með Imagine Dragons og Florence and the Machine. Hún lék einnig í sinni fyrstu mynd, Disney myndinni Stargirl, sem kom út fyrr á árinu.

Grace Vanderwaal. Mynd/Getty

Eðlilega hefur útlit Grace breyst í gegnum árin, enda er það mikið stökk að fara úr því að vera tólf ára í að verða sextán ára. Að vera í sviðsljósinu gerir það einungis erfiðara. En hún virðist hafa fundið sinn stíl með árunum og er orðinn algjör töffari.

Undanfarnar vikur hefur nýtt útlit Grace verið að vekja mikla athygli. Hún afhjúpaði nýja klippingu á Instagram og sýndi krúnurakað höfuð sitt.

Mynd/Instagram

Hún opnaði sig einnig um andleg veikindi. „Ég sit hér í sturtunni […] Mér líður eins og ég sé loksins að vinna í mér eftir margra ára gremju og andleg veikindi,“ sagði hún í myndbandinu, sem hún eyddi síðan.

„Ég get ekki útskýrt það en ég er vongóð og finn fyrir hvatningu til að verða betri og lækna ör fortíðarinnar. Ég er svo spennt fyrir framtíðinni, fyrir hönd okkar allra. Hver dagur er gjöf,“ sagði hún einnig í myndbandinu.

Innlendar Fréttir