7 C
Grindavik
23. apríl, 2021

Margir enn atvinnulausir eftir fall WOW air

Skyldulesning

Viðskipti innlent

Farþegaþota WOW Air á Keflavíkurflugvelli. 
Farþegaþota WOW Air á Keflavíkurflugvelli. 
Vísir/Vilhelm

Þeim sem glíma við langvarandi atvinnuleysi fer hratt fjölgandi hér á landi. Þeir sem misstu vinnuna við fall WOW air eru margir hverjir enn atvinnulausir.

Atvinnuleysi mældist 10,6 prósent í nóvember og hefur aukist jafnt og þétt síðustu mánuði. Búast má við að það aukist í desember. Staðan er langverst á Suðurnesjum þar sem rúmur fimmtungur er atvinnulaus en höfuðborgarsvæðið og Suðurland koma þar á eftir. Atvinnuleysi er meira á meðal kvenna en karla en um 40 prósent atvinnuleitenda eru erlendir ríkisborgarar, þar af helmingur frá Póllandi. Athygli vekur að þeir sem hafa verið atvinnulausir í meira en tólf mánuði hefur fjölgað um nær 2.400 á milli ára. Atvinnulausum í 6 til 12 mánuði fjölgar um tæp 6.000.

Forstjóri Vinnumálastofnunar segir í samtali við fréttastofu að erfitt getur reynst fyrir þá sem hafa verið atvinnulausir lengi að komast aftur í vinnu. Er sá hópur í forgrunni hjá stofnuninni varðandi ráðgjöf og vinnumiðlun. Forstjórinn bendir á að þetta megi þó rekja til samdráttar sem átti sér stað í ferðaþjónustunni áður en kórónuveirufaraldurinn setti allt á hliðina. Er það rakið til falls flugfélagsins WOW Air í lok mars árið 2019 og eru margir sem höfðu vinnu vegna flugfélagsins enn atvinnulausir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir