2.3 C
Grindavik
29. janúar, 2023

Markaskorarinn aftur í vandræðum (myndskeið)

Skyldulesning

Ivan Toney skorar úr vítaspyrnu fyrir Brentford gegn Everton.

Ivan Toney skorar úr vítaspyrnu fyrir Brentford gegn Everton. AFP

Ivan Toney, sóknarmaður enska knattspyrnuliðsins Brentford, er í annað sinn í vetur kominn í vandræði eftir að hafa látið miður heppileg orð falla um félag sitt.

Fyrir tveimur mánuðum missti hann út úr sér „Fuck Brentford“ á myndskeiði sem fór sem eldur í sinu um samskiptamiðla.

Toney fékk áminningu frá Brentford en hann er markahæsti leikmaður liðsins í úrvalsdeildinni með 11 mörk í 25 leikjum og skoraði þrennu í sigri á Norwich fyrir skömmu.

Nú hefur birst myndskeið á samskiptamiðlinum Tik Tok þar sem einn af notendunum náði tali af Toney þar sem hann sat undir stýri á bifreið og spurði hann nokkurra spurninga. Þar á meðal voru þessar:

Hver ertu og hver er atvinna þín?

Toney: Ég er atvinnumaður í fótbolta.

Með hverjum spilarðu?

Toney: Það er ekkert spennandi!

Hann brosti síðan og keyrði í burtu en samtalið má sjá hér fyrir neðan:

spot_img
spot_img
spot_img

Innlendar Fréttir