-2 C
Grindavik
20. janúar, 2021

Martin og félagar byrja rosalegan desember á því að heimsækja Barcelona

Skyldulesning

Körfubolti

Martin Hermannsson nær sér vonandi á strik á móti Barcelona í kvöld.
Martin Hermannsson nær sér vonandi á strik á móti Barcelona í kvöld.
GettyJM Casares

Það verður sannkölluð NBA deildar keyrsla á Martin Hermannssyni og félögum hjá spænska körfuboltaliðinu í desembermánuði.

Martin Hermannsson og félagar í Valencia fá risastórt próf í kvöld þegar þeir heimsækja Barcelona en Valencia liðið þarf nauðsynlega að fara að laga stöðu sína í spænsku deildinni.

Martin Hermannsson hefur ekki mikinn tíma fyrir jólabúninginn því hann og félagar hans í Valencia munu spila tólf leiki í jólamánuðinum.

Sá fyrsti af þessum tólf leikjum verður þessi risaleikur á móti stórliði Barca í kvöld og verður hann sýndur beint á Stöð 2 Sport. Útsendingin hefst klukkan 20.05.

Valencia hefur unnið sjö af tíu leikjum sínum í Eurolegue en gengið hefur ekki verið eins gott í spænsku deildinni þar sem liðið er aðeins í tólfta sæti með sex töp og aðeins fjóra sigra.

Barcelona og Valenica hafa mæst áður á tímabilinu en eitt af þremur töpum Valencia liðsins í Euroleague í vetur var einmitt á móti Barcelona um miðjan október.

Barcelona vann leikinn 71-66 og Martin náði sér ekki á strik. Íslenski landsliðsbakvörðurinn var með 1 stig og 2 stoðsendingar á rúmum fjórtán mínútum.

Barcelona er með rosalega gott varnarlið sem sést meðal annars á því að liðið hefur fenguð á sig undir 70 stig að meðaltali í Euroleague og bara 72,7 stig á sig í leik í spænsku deildinni.

Valencia auglýsti leik kvöldsins að sjálfsgöðu með mynd af okkar manni eins og sjá má hér fyrir neðan.

Innlendar Fréttir