8 C
Grindavik
15. apríl, 2021

MAST varar við eitri í frosnum fiski frá Víetnam

Skyldulesning

Redtail Tinfoil Barb. Varan hefur verið innkölluð í kjölfar þess að ólöglegt eitur fannst í henni.

Ljósmynd/MAST

Matvælastofnun varar við neyslu á frosnum fiski frá Víetnam með vöruheitinu Redtail Tinfoil Barb vegna ólöglegs aðskotaefnis sem talið er krabbameinsvaldandi, að því er fram kemur í tilkynningu á vef stofnunarinnar.

Fram kemur í tilkynningunni að Matvælastofnun hafi fengið upplýsingar um vöruna í gegnum RASFF evrópska viðvörunarkerfið um hættuleg matvæli og fóður og gerði heilbrigðiseftirlitinu viðvart.

Efnið sem um ræðir, malachite green, er lyf sem á að vinna gegn sveppasýkingum fiska og hefur verið notað í fiskeldi en notkun þess er víðast hvar bannað þar sem það er eitrað og krabbameinsvaldandi.

Fyrirtækið Dai Phat sem flutti inn vöruna hefur innkallað allar framleiðslulotur, í samráði við Heilbrigðiseftirlit Reykjavíkur og eru viðskiptavinir sem keypt hafa vöruna eru beðnir um að neyta hennar ekki og farga eða skila henni í verslunina þar sem hún var keypt gegn endurgreiðslu. Frekari upplýsingar í síma 578-3889.

Innlendar Fréttir