-3 C
Grindavik
22. janúar, 2021

MDE vísar frá máli Gests og Ragnars

Skyldulesning

MDE vísaði frá máli lögmannanna Gests Jónssonar og Ragnars Hall.

MDE vísaði frá máli lögmannanna Gests Jónssonar og Ragnars Hall.

mbl.is/Ómar Óskarsson

Niðurstaða yfirdeildar Mann­rétt­inda­dóm­stóls Evr­ópu var að um­sókn Gests Jóns­son­ar og Ragn­ars Hall­dórs Hall væri ósam­rýman­leg máls­ástæðum og ákvæðum mann­rétt­inda­sátt­mála Evr­ópu og lýsti því um­sókn­ina ótæka.  

Dóm­stól­inn taldi að sekt­irn­ar sem um­sókn­in beind­ist að, ættu ekki und­ir 7. grein mann­rétt­inda­sátt­mál­ans um að eng­in refs­ing skuli dæmd án laga, því ekki væri hægt að flokka sekt­irn­ar sem „refs­ingu.“ 

Málið teng­ist hinu svo­kallaða Al-Thani máli Kaupþings­manna, en lögmennirnir Gest­ur og Ragn­ar voru sektaðir af rík­inu fyr­ir að segja sig frá málinu í apríl 2013.

Þegar aðalmeðferð átti að fara fram mættu Gest­ur og Ragn­ar ekki til þing­halds og voru þeir því leyst­ir frá verj­enda­störf­um í mál­inu og skjól­stæðing­um þeirra skipaðir nýir verj­end­ur. Voru þeir dæmd­ir af Héraðsdómi til þess að greiða eina millj­ón hvor í sekt.

Þeir áfrýjuðu því til Hæsta­rétt­ar, sem staðfesti ákvörðun héraðsdóms og Mann­rétt­inda­dóm­stóll Evr­ópu hafnaði því síðan í októ­ber 2018 að ís­lenska ríkið hefði brotið á þeim. Gest­ur og Ragn­ar voru ekki sátt­ir við þá niður­stöðu og fóru þess því á leit við yf­ir­deild­ina að hún tæki málið fyr­ir. 

Innlendar Fréttir