2.3 C
Grindavik
27. janúar, 2023

Meistaradeildin: Chelsea áfram – Villareal skellti Juventus

Skyldulesning

Tveimur leikjum var að ljúka í 16-liða úrslitum Meistaradeildarinnar í kvöld. Chelsea og Villareal tryggðu sér farseðilinn í 16-liða úrslit.

Lille tók á móti Chelsea og höfðu gestirnir betur. Chelsea vann fyrri leikinn 2-0 og var því í góðri stöðu fyrir leik kvöldsins. Burak Yilmaz kom Lille þó yfir með marki úr vítaspyrnu á 38. mínútu og opnaði einvígið. Forysta heimamanna stóð þó ekki lengi en Christian Pulisic jafnaði metin í uppbótartíma fyrri hálfleiks. Cézar Azpilicueta kom Chelsea svo yfir á 71. mínútu og gerði út um einvígið.

Lille 1 – 2 Chelsea (1-4)

1-0 Burak Yilmaz (´38)

1-1 Christian Pulisic (´45+3)

1-2 Cézar Azpilicueta (´71)

Á sama tíma tók Juventus á móti Villareal en fyrri leik liðanna lauk með 1-1 jafntefli. Engin mörk voru skoruð í fyrri hálfleik þrátt fyrir ágætis færi hjá báðum liðum. Heimamenn sóttu stíft og áttu þó nokkur skot á mark en inn vildi boltinn ekki. Á 78. mínútu dró til tíðinda er gestirnir fengu vítaspyrnu og skoraði Gerard Moreno úr spyrnunni og kom Villareal yfir. Sjö mínútum síðar tvöfaldaði Pau Torres forystuna og þá var eins og heimamenn hafi hreinlega gefist upp. Arnaut Danjuma skoraði þriðja markið úr vítaspyrnu í uppbótartíma og Villareal tryggði sér því farseðilinn í 8-liða úrslit með 3-0 sigri í ítalska stórveldinu.

Juventus 0 – 3 Villareal (1-3)

0-1 Gerard Moreno (´78)

0-2 Pau Torres (´85)

0-3 Arnaut Danjuma (´90+2)

spot_img
spot_img
spot_img

Innlendar Fréttir