1.3 C
Grindavik
27. nóvember, 2021

Mesta ýsa frá upphafi mælinga

Skyldulesning

Aldrei hefur mælst meiri ýsa í Ísafjarðardjúpi.

mbl.is/Kristinn Benediktsson

Athygli vekur að samhliða erfiðri stöðu rækjustofnsins í Ísafjarðardjúpi eru vísitölur ýsu árin 2020 og 2021 þær hæstu sem mælst hafa, en sú vísitala hefur haldist há allt frá árinu 2004.

„Á árunum 1988 til 2000 fannst hún nær eingöngu fyrir utan Æðey en frá 2003 hefur útbreiðslusvæðið stækkað og ýsa fundist í öllu Ísafjarðardjúpi,“ segir í tækniskýrslu Hafrannsóknastofnunar.

Þetta virðist ekki vera einsdæmi þar sem vísitala ýsu eins árs og eldri 2021 í Arnarfirði var sú hæsta frá árinu 2011, en þar hefur rækjan einnig staðið höllum fæti.

Hins vegar er ekki sömu sögu að segja af þorski og reyndist vísitala þorsks eins árs og eldri í Arnarfirði vera í meðallagi en lág í Ísafjarðardjúpi. Vísitala yngsta aldurshóps beggja tegunda hefur sveiflast frá því að mælingar hófust 1988 en vísitala þorsk- og ýsuseiða reyndist lág 2020 og 2021 í báðum fjörðum.

spot_img
spot_img
spot_img

Innlendar Fréttir