Niðurstöður nýrrar rannsóknar benda til að milljónir rotta í New York borg séu móttækilegar fyrir COVID-19. Eins og við mannfólkið eru þessi hvimleiðu nagdýr viðkvæm fyrir mörgum afbrigðum veirunnar, allt frá upprunalega afbrigðinu til Ómikron. Fá þær mikla sýkingu í efri og neðri hluta öndunarfæranna. Alþjóðaheilbrigðismálastofnunin WHO sagði í skýrslu árið 2021 að veiran hafi „líklega“ borist í fólk úr leðurblökum í gegnum óþekkt dýr. Eftir að heimsfaraldurinn braust út hafa komið upp dæmi þar sem veiran hefur borist úr fólki í dýr, þar á meðal gæludýr.
Sky News segir að vísindamenn við University of Missouri hafi rannsakað hvort rottur í New York séu smitaðar af veirunni en gríðarlegur fjöldi rotta er í borginni en talið er að þær séu um átta milljónir.
Í rannsókninni, sem hefur verið birt í mBio vísindariti the American Society for Microbiology.
Dr Henry Wan, aðalhöfundur rannsóknarinnar, sagði að eftir því sem vísindamennirnir best viti þá sé þetta ein fyrsta rannsóknin þar sem rannsakað sé hvort kórónuveiran geti valdið smiti í villtum rottum á stórum þéttbýlissvæði í Bandaríkjunum.
79 rottur voru fangaðar frá því í september 2021 þar til í nóvember sama ár, flestar í holræsakerfum í Brooklyn. 13 þeirra, 16,5%, reyndust vera með COVID-19. Þegar þessar tölur eru færðar yfir á heildarfjölda rotta í borginni þá þýðir þetta að rúmlega 1,3 milljónir rotta eru smitaðar.
