1 C
Grindavik
24. febrúar, 2021

Missir prófið og þarf að borga 14 milljónir í sekt – Lyktaði eins og áfengistunna

Skyldulesning

Jack Grealish miðjumaður Aston Villa hefur misst ökuréttindi sín í níu mánuði vegna uppsafnaðari brota. Þá þarf hann að greiða 14 milljónir í sekt vegna atviks sem upp kom í mars.

Grealish mætti í réttarsal í dag þar sem dómur var kveðinn upp, hann játaði brot sín.

Grealish lyktaði eins og áfengistunna og var málhaltur þegar hann keyrði á tvo kyrrstæða bíla í mars. Hann hafði þá verið í gleðskap alla nóttina þrátt fyrir útgöngubann í landinu. Þetta kom fram fyrir dómi á dögunum en málinu lauk í dag.

Grealish viðurkennir að hafa keyrt glannalega en hann var að auki ákærður fyrir fleiri akstursbrot sem átti eftir að taka fyrir.

Ekki var hægt að sanna að Grealish hafi verið undir áhrifum. Vitni sögðu að Grealish hefði ekki verið í neinu ástandi til að keyra en hann bakkaði í tvígang á bíla áður en hann fór af vettvangi. Lögreglan leitaði Grealish en fann hann ekki á heimili sínu. Hann gaf sig fram nokkrum dögum síðar.

Grealish hafði deginum áður beðið fólk um að halda sig heima á meðan kórónuveiran væri að ganga yfir þar í landi. Útgöngubann var á Bretlandseyjum.

Grealish var í gleðskap hjá Ross McCormack fyrrum liðsfélaga sínum hjá Villa, alla nóttina. Hann keyrði á tvo kyrrstæða bíla.


Áreksturinn átti sér stað snemma morgun en nágrannar McCormack segja að læti hafi verið úr íbúðinni allan morguninn.

Lögreglan í Birmingham var kölluð á staðinn en Grealish tók dótið sitt úr bílnum og fór af vettvangi áður en hún kom.

Enski boltinn á 433 er í boði

Innlendar Fréttir