Mjólkurbikar karla: Hádramatískur sigur Stjörnunnar á ÍBV – DV

0
210

Stjarnan og ÍBV mættust í kvöld í eina Bestu deildarslag 32-liða úrslita Mjólkurbikars karla. Leikið var í Garðabæ.

Nýr landsliðsþjálfari, Age Hareie, var mættur á leikinn en hann fékk ekki að sjá neitt mark í venjulegum leiktíma í dag.

Það var því gripið til framlengingar.

Þar fékk Bjarki Björn Gunnarsson í liði ÍBV sitt annað gula spjald snemma og gestirnir því manni færri.

Stjarnan var í kjölfarið mun líklegri aðilinn til að skora sigurmarkið og af því varð seint í framlengingunni.

Þar var að verki Sindri Þór Ingimarsson með skalla.

Lokatölur 1-0 fyrir Stjörnuna sem fer í 16-liða úrslit.