5 C
Grindavik
6. maí, 2021

Móðir í sárum og grætur stanslaust – Óprúttinn aðili sendi nektarmyndirnar af henni á fjölskyldu hennar

Skyldulesning

Kylie Biss, 32 ára móðir frá Bretlandi, missti starf sitt sem hárgreiðslukona vegna kórónuveirufaraldursins. Hún ákvað þá að stofna aðgang á OnlyFans en fólk getur keypt áskrift að aðgangi hennar og séð þá erótískar myndir af henni.

OnlyFans uppátækið gekk vel, Kylie græddi mun meiri pening en hún fékk sem hárgreiðslukona og gat hún þess vegna leyft sér meiri munað. Hún keypti sér til að mynda glænýjan sportbíl og leigði lúxushús á spáni. Hún er nú á góðri leið með að græða fyrstu milljón pundin sín á OnlyFans en það hefur þó ekki tekist án allra vandræða. Hún hefur orðið fyrir miklu aðkasti frá netverjum en sumir hafa sagt virkilega ljóta hluti við hana. „Sumir hafa meira að segja gerst áskrifendur að síðunni minni, borgað fyrir það, bara til að segja mér að þeim lítist ekki á það sem ég er að gera.“

Nýverið lenti hún þó í nokkru sem var mun verra en hatursfull ummæli og leiðinlegar skoðanir. Óprúttinn aðili ákvað nefnilega að senda nektarmyndirnar af henni á stórfjölskyldumeðlimi hennar. Þeir vissu ekki af þessari vinnu konunnar og varð þetta til þess að hún er ekki lengur í sambandi við suma í fjölskyldunni sem voru henni áður mjög nánir. The Sun fjallar um málið.

„Þetta er svo vandræðalegt, ég er búin að vera hágrátandi stanslaust. Stórfjölskyldan mín komst að starfinu mínu í gegnum þennan leka og hefur ekki talað við mig síðan. Ég er hrædd um að börnin mín hafi misst þennan part af fjölskyldunni sinni.“

Kylie hefur þó ákveðið að láta þennan óprúttna aðila ekki eyðileggja allt fyrir sér. Hún segir að þetta og hatursfullu umræðin gefi henni meira sjálfstraust. Áður fyrr var sjálfstraustið af skornum skammti en Kylie var lögð í einelti þegar hún var yngri. Eftir að hún byrjaði að birta nektarmyndir af sér á OnlyFans kom sjálfstraustið til baka. „Fólk var að hrósa mér og segja fallega hluti um mig, það lét mér líða vel. Það er fólk þarna úti sem finnst eins og ég eigi að skammast mín en ég geri það ekki – ég er stolt af mér.“

spot_img
spot_img
spot_img

Innlendar Fréttir