Morðinginn í Texas ó­­fundinn og gæti verið hvar sem er – Vísir

0
134

Innlent

Morðinginn í Texas ó­­fundinn og gæti verið hvar sem er Fulltrúar lögreglunnar að flytja lík út úr húsinu þar sem morðin voru framin. AP/Yi-Chin Lee Maðurinn sem grunaður er um að hafa myrt fimm nágranna sína í bænum Cleveland í Texas í gær er enn ófundinn. Lögreglan hefur varað við að hann sé vopnaður og gæti verið í felum hvar sem er. 

Maðurinn, sem heitir Francisco Oropeza, er 38 ára gamall en hann skaut nágranna sína eftir þeir báðu hann um að hætta að skjóta úr riffli í bakgarði sínum. Meðal fórnarlamba var átta ára gamalt barn. 

Því næst flúði maðurinn vettvang og er enn ekki fundinn. Fyrst um sinn var notast við farsímagögn til að reyna að finna hann en hann hefur nú losað sig við símann sinn. Lögreglustjórinn í San Jacinto-sýslu sagði á blaðamannafundi í dag að Oropeza gæti verið hvar sem er. Lögreglan nýtur aðstoðar Alríkislögreglu Bandaríkjanna við leitina að manninum. 

Fimm manns lifðu árásina af en í húsinu bjuggu alls tíu manns frá Hondúras. Nokkrir íbúanna höfðu flutt þangað frá Houston einungis nokkrum dögum fyrr

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið
Fleiri fréttir Sjá meira Mest lesið