Sam Johnstone, markvörður WBA, reyndist hetja liðsins þegar WBA heimsótti Manchester City í ensku úrvalsdeildinni í knattspyrnu í kvöld.
Johnstone varði hvert dauðafærið á fætur öðru en honum tókst þó ekki að koma í veg fyrir mark Ilkay Gündogan á 30. mínútu.
Rúben Dias, miðvörður City, varð svo fyrir því óláni að skora sjálfsmark á 43. mínútu og þar við sat.
City-menn fengu nokkur frábær færi til þess að skora sigurmarkið en Johnstone var vandanum vaxinn og bjargaði stigi fyrir WBA.
Leikur Manchester City og WBA var sýndur beint á Síminn Sport.
