7.3 C
Grindavik
4. október, 2022

Morkin vopn til Úkraínu frá Þýzkalandi?

Skyldulesning

Að Þjóðverjar hugðust senda Úkraínu morkin og mygluð vopn sýnir að ekki er allt sem sýnist, og vafasamt hverju skal treysta.

Ég skil það vel að menn vilji sannanir fyrir því að George Soros og Bill Gates standi á bakvið samsæri gegn mannkyninu, en ef það er satt þá fela þeir sönnunargögnin og þá er hvort sem er ekkert hægt að sanna, það segir sig sjálft. Sannanleg samsæri eru augljóslega uppspuni, en ekki öll samsæri sem ósannanleg eru, því þar eru völdin til að koma sönnunum í skjól.

Þetta áróðursstríð gegn Rússum hefur staðið næstum jafn lengi og Pútín komst til valda. Það segir manni ýmislegt um fréttaflutning sem vart skuli treysta. Nató og Kanar þurfa óvin og sætta sig ekki við að geta ekki bent á óvini sem þarf að herja á, sérstaklega á þetta þó við um Demókrata, sem þrátt fyrir að eiga rætur í friðarhreyfingunni eru oft stríðsgjarnir úr hófi fram, en Repúblikaninn Donald Trump reyndist mesti friðarforseti í seinni tíð sem hefur verið við völd.

Vísbendingarnar sem birtast í RÚV eru ýmsar, þótt menn hirði ekki um að draga ályktanir af þeim. Í vikunni hefur Kastljós verið mikið að fjalla um stríðið eðlilega. Þar var því lýst að Microsoft, af öllum fyrirtækjum hafi verið að aðstoða Úkraínu, en fréttir af ásökunum Microsoft um tölvuárásir Rússa eru gamlar fréttir sem lengi hafa gengið án sannana, býst ég við.

Bill Gates og Microsoft, Úkraína, hringir einhverjum bjöllum? Eða erum við svo dofin af stanzlausum áróðri að hugsanir fari í eina átt, ekki að sannleikanum heldur lyginni? Heilaþvottur stórveldanna er það nefnt, og hefur verið notað við fanga upphaflega, fasta í klefum sínum, pyntaða. Erum við í þeirri stöðu? Vafalaust.

Þetta er eins og með vísbendingar um að Covid áróður meginstraumsins væri ósannur, í stað þess að fagna þeim vísbendingum og rekja í aðra átt en meginstraumur kvað fyrir um var þeim vísað á bug á RÚV og víðar. Það er ekki reynt að virkja lýðræðið eða rökhyggju, heldur skoðanakúgun og eina stefnu.

Önnur vísbending kom fram í fjölmiðlum í vikunni. Þar var sagt frá því að það hafi komið á óvart að Rússar hafi ekki vel getað varizt tölvuárásum úr Vestrinu.

Hvaða sannanir höfum við fyrir því að Rússar hafi staðið fyrir tölvuárásum á vestræn ríki, Bandaríkin sérstaklega? Þetta kemur allt úr sömu fréttaveitunni, einn lepur eftir öðrum. Sá sem hefur fjármagn er talinn trúverðugur, hinar fréttaveiturnar falsfréttir, þótt svo þurfi ekki að vera. Samþjöppun á fréttamarkaði hefur aukizt ekkert smávegis. Maður sér það eftirá að sennilega hefur RÚV alltaf verið valdaleppur, líka þegar maður trúði þeim sem krakki, fyrir 40 árum og rúmlega það. Nú er það bara svo miklu augljósara, rörsýn, afneitun á öllu sem meginstramurinn kveður ekki á um.

Höfum við gleymt stríðinu í Tsjetsjeníu? Á Hringbraut kom það fram í máli Ögmundar Jónassonar að í upphafi stóðu þeir saman gegn Tsjetsjenum, Bush Bandaríkjaforseti og Pútín Rússlandsforseti, og Tsjetsjenar kallaðir hryðjuverkamenn, allir sammála um það. Það var kallað Jeltsín-stríðið, gegn Tsjetsjenum. Síðan kom Pútín-stríðið gegn Tsjetsjenum og Pútín fór að sæta gagnrýni fyrir að fara illa með Tsjetsjena. Þessi stríð stóðu yfir í rúmlega 10 ár samanlagt. Pútín er greinilega vanur að eiga í erjum við lönd og þjóðir á þessu svæði.

Of lítið er um ítarlegar skýringar þar sem allt er tekið með, ekki bara einhver áróður, og staðreyndir notaðar til að sannfæra og krydda.

Þrátt fyrir allt hefur áróðursstríðið við Rússa verið mun lengur í gangi en þetta Úkraínustríð. Gleymum því ekki. Völd Georgs Soros og Bill Gates eru einnig staðreynd, hvernig þeir nota þau eru getgátur, en augljóst er að togað er í spotta til að stjórna veröldinni. Jafnvel vinstrimenn viðurkenna það.

Auðvitað eru ekki sýndar heimildamyndir um George Soros og Bill Gates í RÚV. Það samræmist ekki þeirra „ritstjórnarstefnu“, slíkar myndir yrðu alltaf kallaðar samsæriskenningar, nema önnur öfl næðu völdum, fjármálalegum og menningarlegum, á jörðinni.

Áróðursstríðið gegn Rússum kom fyrst. Þetta kom síðar. Það útskýrir ýmislegt, en afsakar ekki stríðið eða Rússa, en sjaldan veldur einn þá tveir deila, eins og máltækið segir.


spot_img
spot_img
spot_img

Innlendar Fréttir