7.4 C
Grindavik
23. júní, 2021

Mourinho keypti 90 þúsund króna kjötlæri fyrir Reguilón eftir sigurinn á City

Skyldulesning

Enski boltinn

José Mourinho notar ýmsar leiðir til að halda leikmönnum Tottenham ánægðum.
José Mourinho notar ýmsar leiðir til að halda leikmönnum Tottenham ánægðum.
getty/Neil Hall

José Mourinho, knattspyrnustjóri Tottenham, pungaði út 500 pundum, eða rúmlega 90 þúsund íslenskum krónum, fyrir kjötlæri eftir sigurinn á Manchester City, 2-0, í ensku úrvalsdeildinni á laugardaginn.

Mourinho birti mynd af sér og spænska bakverðinum Sergio Reguilón með kjötlærið á Instagram. „Loforð er loforð. Þetta kostaði mig 500 pund en ég stend við mín loforð,“ skrifaði Mourinho við myndina.

Reguilón átti góðan leik gegn City og svo virðist sem Mourinho hafi verðlaunað hann með því að kaupa handa honum umrætt kjötlæri sem er framleitt á Spáni og í Portúgal.

Með sigrinum á City komst Tottenham á topp ensku úrvalsdeildarinnar. Þetta er í fyrsta sinn í 35 ár sem Spurs er á toppi efstu deildar eftir níu umferðir.

Mourinho hefur ekki bara minnt á sig á hliðarlínunni í vetur heldur einnig slegið í gegn með hnyttnum færslum á Instagram eftir leiki.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir