2 C
Grindavik
15. janúar, 2021

Munu opna á vöru­flutninga um Ermar­sunds­göngin

Skyldulesning

Erlent

Miklar biðraðir hafa myndast við Ermarsundsgöngin eftir að landamærum Bretlands og Frakklands var lokað.
Miklar biðraðir hafa myndast við Ermarsundsgöngin eftir að landamærum Bretlands og Frakklands var lokað.
Getty

Breski forsætisráðherrann Boris Johnson og Emmanuel Macron Frakklandsforseti hafa náð samkomulagi um að opna landamæri ríkjanna að nýju.

Listinn varð í gær langur yfir þau ríki sem lokuðu á flug frá Bretlandi vegna hins nýja afbrigði kórónuveirunnar sem hefur breiðst út í Bretlandi. Þannig lokuðu meðal annars Kanada, Danmörk, Finnland, Argentína, Frakkland, Svíþjóð og Þýskaland öll á flug frá Bretlandi og herti aðgerðir vegna fólks sem kemur þaðan.

Í Bretlandi mynduðust langar raðir og þá þá varð nokkur óvissa um vöruframboð. Til að róa landsmenn sína tilkynnti Boris Johnson í kjölfarið að flæði vara inn í landinu yrði tryggt. Sagðist hann hafa rætt við Macron og að þeir væru sammála um að reynt yrði að tryggja að samgöngur myndu raskast sem minnst.

Nú í morgun var svo tilkynnt að leiðtogar ríkjanna hefðu náð samkomulagi sem tryggi vöruflutninga milli landanna. Mun Clément Beaune, ráðherra Evrópumála í Frakklandi, kynna hvað komi í stað hinnar 48 tíma lokunar á flugleiðum síðar í dag.

Þetta nýja afbrigði kórónuveirunnar sem hefur greinst í Bretlandi er sagt vera sérstaklega smitandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir