6.4 C
Grindavik
22. september, 2021

Nafn hennar vekur athygli – „Hvernig finnst þér að eyðileggja heiminn?“

Skyldulesning

Á hverjum degi hringja ókunnugir í 49 ára fimm barna móður sem býr í Oldham á Englandi. Ástæðan er að fólkið er hissa á nafni hennar og sumir vilja kanna hvort það sé virkilega rétt og enn aðrir úthúða henni.

BBC skýrir frá þessu. Konan heitir Corona Newton og er óhætt að segja að líf hennar hafi breyst mikið eftir að heimsfaraldur kórónuveirunnar skall á enda ber hún sama nafn og kórónuveira á ensku.

BBC hefur eftir henni að fyrir heimsfaraldurinn hafi hún oft fengið athugasemdir frá fólki vegna nafnsins en þá hafi það verið tengt við mexíkóska bjórinn Corona. „Fólk kallaði mig Guinness eða Budweiser. Ég gat hlegið að því en það er meira pirrandi núna, sérstaklega þegar fólk verður sífellt grófara,“ sagði hún í samtali við BBC.

Hún sagðist fá undarlegar augngotur frá mörgum þegar hún er á ferðinni og segir nafn sitt og það er erfitt fyrir hana að panta borð eða stofna viðskiptareikning því þá þarf hún að segja nafnið sitt upphátt. „Fólk hefur sagt við mig: „Eins og ég hlusti á einhvern sem heitir eftir veiru.““

Eins og kórónuveiran hefur nafn Corona Newton dreifst og ókunnugt fólk er farið að hringja í hana, eingöngu út af nafni hennar. „Er ég að tala við veiruna, spyrja margir“ sagði hún.

Aðrir ganga enn lengra og nefndi Corona sérstaklega mann einn sem hringdi nýlega í hana og úthúðaði henni. „Hvernig finnst þér að eyðileggja heiminn, öskraði hann,“ sagði hún.

spot_img
spot_img
spot_img

Innlendar Fréttir