Norskir fjölmiðlar fullyrða að Age Hareide sé nýr þjálfari Íslands – DV

0
111

Age Hareide fyrrum þjálfari danska landsliðsins hefur samþykkt að taka við íslenska karlalandsliðinu í knattspyrnu.

Það er Dagsavisen í Noregi sem fjallar um málið en Hareide er frá Noregi.

Í norskum miðlum segir að Hareide verði kynntur til leiks á morgun en hann vildi ekki tjá sig um málið við norska miðla.

Hareide er 69 ára gamall en hann stýrði Malmö á síðasta ári en hann stoppaði einnig við hjá Rosenborg eftir starf sitt með danska landsliðið.

Hareide þjálfaði danska landsliðið frá 2016 til 2020 en hann hefur afar mikla reynslu.

Hann tekur við af Arnari Viðarssyni sem rekinn var fyrir tveimur vikum síðan en hann hóf þjálfaraferil sinn árið 1985.

Age átti ágætis feril sem leikmaður og lék meðal annars fyrir Mancehster City en hann lék 50 landsleiki fyrir Noreg.