6 C
Grindavik
21. apríl, 2021

Ný lög um aukið eftirlit Fiskistofu í samráðsgátt

Skyldulesning

Lagt er til aðheimildir Fiskistofu til að framkvæma rafrænt eftirlit verði styrktar.

mbl.is/Árni Sæberg

Drög sjávarútvegs- og landbúnaðarráðherra að frumvarpi um breytingu á ýmsum lögum á sviði fiskveiðistjórnunar til að styrkja eftirlit Fiskistofu hefur verið lagt til umsagnar í samráðsgátt.

Lagt er til að heildstæðu viðurlagakerfi verði komið á fót vegna brota á lögum á sviði fiskveiðistjórnar. Sömu heimildir verði milli mismunandi laga til að bregðast við brotum.

Einnig er lagt til að Fiskistofa fái heimildir til álagningar stjórnvaldssekta vegna brota á fiskveiðilöggjöfinni. Þá er lagt til að heimildir Fiskistofu til að framkvæma rafrænt eftirlit verði styrktar, að því er kemur fram í drögunum.

Loks er lagt til að hugtakið raunveruleg yfirráð við framkvæmd reglna um hámarksaflahlutdeildir verði afmarkað betur.

Aðgangur að vöktunarkerfum

Samkvæmt drögunum að frumvarpinu verður eftirlitsmönnum Fiskistofu heimill aðgangur að rafrænum vöktunarkerfum á löndunarhöfnum í þeim tilgangi að hafa eftirlit með löndun afla.

Skipstjórnarmenn veiðiskipa skulu halda rafrænar afladagbækur eða rafræna aflaskráningu með snjallsímaforriti. Fiskistofa getur svipt skip leyfi til veiða í atvinnuskyni vegna vanskila á afladagbókum og skal leyfissvipting standa þar til skil hafa verið gerð eða skýringar hafa verið gefnar á ástæðum vanskila. Þá er skipstjórum skipa sem vinna afla um borð skylt að halda um vinnslu aflans í sérstaka vinnsludagbók.

Umsagnarfrestur í samráðsgátt vegna draganna að lagafrumvarpinu er til 8. mars.

spot_img
spot_img
spot_img

Innlendar Fréttir