4 C
Grindavik
25. febrúar, 2021

Ný rannsókn – Ótrúlega fáir nota djúpnetið til ljósfælinna verka

Skyldulesning

Eiturlyf, klám, vegabréf, persónulegar upplýsingar og leigumorðingjar sem bjóða þjónustu sína. Það er fátt sem ekki er hægt að finna á hinu svokallaða djúpneti (dark web) og því nærtækt að halda að það séu aðallega afbrotamenn og vafasamir aðilar sem nota það. Ástæðan er að ekki er hægt að rekja slóð notenda á djúpnetinu ólíkt hinu hefðbundna Internetið sem flestir nota.

En niðurstöður nýrrar bandarískrar rannsóknar sýna að langflestir þeirra sem nota djúpnetið nota það ekki til að leita að einhverju ólöglegu. Flestir virðast einfaldlega nota Tor-netvafrann, sem veitir aðgang að djúpnetinu, til að koma í veg fyrir að hægt sé að fylgjast með ferðum þeirra á netinu.

Vísindamenn höfðu aðgang að Tor-vafranum í hálft ár og fylgdust með hvaða heimasíður voru heimsóttar með honum. Í ljós kom að aðeins 6,7% af öllu því sem gerðist á Tor var á djúpnetinu og snerist þetta ekki allt um eitthvað ólöglegt. Restin af notkuninni var á hinu „venjulega“ Interneti.

Rannsóknin var í raun stikkprufa þar sem eitt prósent af allri notkun Tor á heimsvísu var rannsakað. Þetta gefur grófa innsýn í notkun Tor en slík innsýn hefur ekki fengist áður. Danska ríkisútvarpið skýrir frá þessu.

Þar sem Tor-vafrinn er dulkóðaður gátu vísindamennirnir ekki séð hvað notendurnir notuðu hann til að skoða en þeir gátu aðeins séð hvort þeir fóru inn á djúpvefinn eða venjulega Internetið.

Innlendar Fréttir