Ný rannsókn – Tíundi hver karlmaður útilokar ekki að halda framhjá – DV

0
116

Framhjáhald brýtur gegn trausti í samböndum og er algjörlega bannað í flestum samböndum. En það gildir sérstök regla um þetta fyrir maka þinn og önnur fyrir þig, að minnsta kosti ef þú ert karlmaður. Þetta sýna niðurstöður nýrrar rannsóknar sem YouGov gerði fyrir B.T.

Í rannsókninni voru Danir spurðir hvort þeir teldu að þeir sjálfir eða maki þeirra myndi halda framhjá innan sex mánaða.

Niðurstaðan vekur nokkra athygli því langflestir sýndu maka sínum mikið traust og sögðu nei en þrjú prósent allra, beggja kynja, tölu að maki þeirra gæti tekið upp á því að halda framhjá á næstu sex mánuðum.

Þegar spurt var: „Gætir þú sjálf(ur) tekið upp á því að halda framhjá á næstu sex mánuðum?“ svöruðu 4% kvenna já. Þetta þýðir að það er fylgni á milli þess sem konur vænta af sjálfum sér og maka sínum.

En hjá körlunum var allt annað uppi á teningnum. Af þeim sögðust níu prósent að þeir gætu vel tekið upp á því að halda framhjá.

Katrine Axholm, sérfræðingur í parameðferð, sagði að þetta kæmi henni ekki á óvart. „Það er mannlegt að okkur finnist að við megum sjálf meira en maki okkar,“ sagði hún.