5.4 C
Grindavik
18. maí, 2021

Ökufantur reyndist einnig sóttkvíarbrjótur

Skyldulesning

Innlent

| mbl
| 30.3.2021
| 22:17
| Uppfært

22:32

Ferðamennirnir fóru í Reynisfjöru, en áttu að vera í sóttkví.

Ferðamennirnir fóru í Reynisfjöru, en áttu að vera í sóttkví.

mbl.is/Sigurður Bogi Sævarsson

Lögreglan á Suðurlandi stöðvaði í dag erlendan ferðamann fyrir hraðakstur á Suðurlandsvegi vestan við Vík í Mýrdal. Ökumaðurinn gekkst við brotinu og greiddi sektina á staðnum. 

Þegar lögreglumenn fóru að kanna nánari deili á ökumanni og farþegum og hvenær fólkið hefði komið til landsins kom í ljós að ökumaður og einn farþegi áttu að vera í sóttkví frá 27. mars. 

Ferðamennirnir áttu því eftir að klára skyldubundna fimm til sex daga sóttkví og fara í síðari sýnatöku. Þeir brutu því sóttvarnarreglur. Ferðamennirnir undirgengust sektargerð vegna málsins og greiddu 50.000 krónur hvor fyrir brotið. 

Ferðamennirnir kváðust hafa farið að skoða sig um í Reynisfjöru og ekki hafa komið nálægt öðru fólki, segir í tilkynningu frá lögreglunni.

spot_img
spot_img
spot_img

Innlendar Fréttir