7 C
Grindavik
23. apríl, 2021

Ólafur Karl aftur í Stjörnuna

Skyldulesning

Sóknarmaðurinn Ólafur Karl Finsen hefur skrifað undir samning við Stjörnuna og mun leika með liðinu í Pepsi Max deild karla á næstu leiktíð.

Ólafur þekkir hvern krók og kima í Garðabænum en hann lék með liðinu frá árin 20010 til 2014 ef undan er skilið ein leiktíð á Selfossi.

Hann varð meðal annars Íslandsmeistari með liðinu árið 2014 en eftir tímabilið 2017 sagði hann skilið við Stjörnuna og gekk í raðir Vals.

Þar varð Ólafur einnig Íslandsmeistari en hann var svo lánaður til FH fyrr í sumar þar sem hann lék níu leiki og skoraði eitt mark.

Nú er hann hins vegar kominn aftur heim í Garðabæinn við mikla hrifningu Garðbæinga.

„Virkilega gott að fá Óla Kalla með sín gæði inn í hópinn, ég hef trú á því að þetta muni styrkja okkur til framtíðar, enda Óli Kalli frábær leikmaður sem getur leyst margar stöður og er með gæði sem munu nýtast okkur í þeirri vegferð sem við erum,“ sagði Þorvaldur Örlygsson, annar þjálfari liðsins.

spot_img
spot_img
spot_img

Innlendar Fréttir