8.4 C
Grindavik
14. júní, 2021

Öruggur í sínum aðgerðum

Skyldulesning

Rúnar Alex Rúnarsson stóð sig vel á milli stanganna í …

Markvörðurinn Rúnar Alex Rúnarsson fær góða dóma hjá erlendum fjölmiðlum eftir frammistöðu sína á milli stanganna hjá Arsenal í leik liðsins gegn Molde í Evrópudeildinni í knattspyrnu í Noregi í gær.

Leiknum lauk með 3:0-sigri Arsenal en þetta var annar byrjunarliðsleikur Rúnars fyrir félagið. Hann stóð einnig á milli stanganna þegar Arsenal fékk Dundalk í heimsókn í Evrópudeildinni í lok október.

„Markvörðurinn ungi var öruggur í öllum sínum aðgerðum þegar mest á reyndi. Þá átti hann mjög góða vörslu í fyrri hálfleik,“ segir í umfjöllun ESPN um leikinn.

Þá fékk Rúnar Alex sjö í einkunn hjá Sky Sports en Nicolas Pépé, sem skoraði eitt marka Arsenal, var valinn maður leiksins.

Rúnar Alex er 25 ára gamall en hann gekk til liðs við Arsenal frá franska 1. deildarfélaginu Dijon í september. Arsenal borgaði 1,5 milljónir punda fyrir markvörðinn.

spot_img
spot_img
spot_img

Innlendar Fréttir