-2 C
Grindavik
20. janúar, 2021

Ótrúleg tölfræði Bruno Fernandes um helgina – Setti met á 45 mínútum

Skyldulesning

West Ham United tók á móti Manchester United í 11.umferð ensku úrvalsdeildarinnar um helgina. Leikmenn Manchester United sýndu enn og aftur mikinn karakter eftir að hafa lent undir. Leikurinn endaði með 1-3 sigri Manchester United. Tomas Soucek kom West Ham yfir með marki á 38. mínútu og staðan í hálfleik var því 1-0 fyrir West Ham.

Spilamennska Manchester United var ekki upp á marga fiska í fyrri hálfleik. Ole Gunnar Solskjær, knattspyrnustjóri liðsins gerði tvær breytingar í hálfleik til að reyna blása lífi í sína menn. Rashford og Bruno Fernandes komu inn á fyrir Van De Beek og Cavani. Spilamennska Manchester United í seinni hálfleik var allt önnur. Paul Pogba jafnaði leikinn fyrir liðið með marki á 65. mínútu.

Þremur mínútum síðar kom Mason Greenwood, Manchester United með marki eftir stoðsendingu frá Alex Telles. Röðin var síðan komin að Marcus Rashford, hann bætti við þriðja marki Manchester United á 78. mínútu og innsiglaði 1-3 sigur liðsins.

Innkoma Bruno Fernandes var vítamínssprauta í lið United en hann bjó til átta færi á 45 mínútum. Enginn leikmaður í deildinni hefur skapað jafn mörg færi í leik á þessu tímabili.

Bruno skapaði færin átta í einum hálfleik en hann hefur reynst lang mikilvægasti leikmaður United frá því að hann gekk í raðir United í lok janúar á þessu ári.

Enski boltinn á 433 er í boði

Innlendar Fréttir