Fjórir ráðherrar ásamt fylgdarliði þeirra eru komnir til Seyðisfjarðar þar sem þeir virða fyrir sér aðstæður á Seyðisfirði. Ráðherrarnir lentu á Egilsstöðum rétt fyrir klukkan níu í morgun og héldu þaðan yfir Fjarðarheiðina til að kynna sér stöðu mála eftir skriðuföllin sem skemmdu hús og urðu til þess að rýma þurfti bæinn.
Katrín Jakobsdóttir forsætisráðherra, Áslaug Arna Sigurbjörnsdóttir dómsmálaráðhrera, Bjarni Benediktsson fjármála- og efnahagsráðherra auk Sigurðar Inga Jóhannssonar sveitarstjórnarráðherra eru mætt ásamt fylgdarteymi sínu.
Víðir Reynisson yfirlögregluþjónn er í för með hópnum en hann er nýsnúinn aftur til starfa eftir að hafa smitast af Covid-19.Víðir Reynisson yfirlögregluþjónn er í för með hópnum en hann er nýsnúinn aftur til starfa eftir að hafa smitast af Covid-19.
Katrín Jakobsdóttir ræddi heimsóknina fram undan og bóluefni í viðtali í Bítinu á Bylgjunni í morgun.
