-5 C
Grindavik
3. desember, 2020

Rauk úr hausnum á Klopp þegar hann fékk skilaboðin í síðustu viku

Skyldulesning

Jurgen Klopp stjóri Liverpool hefur áhyggjur af því álagi sem leikmenn eru undir núna og segir að það tengist þeim fjölda meiðsla sem nú eru í fótboltanum.

Flestir leikmenn á Englandi fengu lítið sem ekkert sumarfrí og fóru strax í nýtt tímabil eftir COVID-19. Joe Gomez varnarmaður Liverpool meiddist á dögunum og verður lengi frá, allt vegna álagst að mati Klopp.

Gomez var á æfingu með enska landsliðinu þegar hann meiddist alvarlega á hné og verður lengi frá. „Enskan mín er ekki nógu góð til að útskýra hvað fór í gegnum hausinn á mér. Sjúkraþjálfarinn lét mig vita af þessu, það voru allir öruggir á því að þetta væri alvarlegt. Það var engin von um að þetta væri eitthvað smá, meiðsli eru hluti af leiknum, hvernig þau gerast er eitthvað sem við þjálfarar höfum áhyggjur af,“ sagði Klopp.

„Þegar Van Dijk meiddist þá var það ekki vegna álagt, það var bara furðuleg ákvörðun hjá einum leikmanni (Jordan Pickford), það var erfitt að eiga við það.“

„Hjá Gomez var þetta bara álagið af tímabilinu, það er eitthvað sem þú verður að hafa áhyggjur af. Þetta er ekki afsökun, aðeins útskýring.“

Enski boltinn á 433 er í boði

Innlendar Fréttir