Þýska úrvalsdeildarfélagið RB Leipzig hefur hug á að ráða hollenska knattspyrnustjórann Erik ten Hag, knattspyrnustjóra Ajax, til starfa. Erik ten Hag er talinn líklegastur til þess að taka við Manchester United þessa stundina og hefur átt í viðræðum við forráðamenn félagsins en nú reynir RB Leipzig að heilla stjórann.
Frá þessu er greint á vefsíðu Daily Mail í dag þar sem segir að Ten Hag hafi verið látinn vita af áhuga RB Leipzig.
Heimildarmenn innan Ajax telja 95% líkur á því að Ten Hag muni yfirgefa félagið eftir tímabilið og er talið að viðræður hans við Manchester United séu langt á veg komnar.
Ralf Ragnick er núverandi bráðabirgðastjóri liðsins en hann mun láta af störfum eftir tímabilið og mun að öllum líkindum taka að sér ráðgjafahlutverk innan félagsins til tveggja ára.
