5 C
Grindavik
8. maí, 2021

Ríkisstjórnin stígur inn í verkfallið – Frumvarp lagt fyrir í dag

Skyldulesning

Lög á verkfall flugvirkja var rætt í ríkisstjórn í morgun og segist Áslaug Arna Sigurbjörnsdóttir dómsmálaráðherra ætla að mæla fyrir frumvarpi að slíkum lögum í dag klukkan tvö, er þingfundur hefst.

Áslaug sagði við Vísi fyrr í dag að full samstaða hafi verið um þessar aðgerðir í ríkisstjórn. Áður höfðu sögur reyndar kvisast út um að hugmyndum Sjálfstæðismanna um lög gegn aðgerðunum hafi verið mætt af andstöðu meðal Vinstri grænna og Framsókn.

Að sögn Áslaugar mun frumvarpið fela í sér að flugvirkjar fái rými til 4. janúar til þess að ganga frá samningi, ellegar fari deilan fyrir gerðardóm. Verði frumvarpið að lögum, sem allt bendir til að þessu sinni, gætu flugvirkjar snúið til aftur til starfa í dag og þyrlur gæslunnar orðið flughæfar skömmu síðar.

Síðasti fundur samninganefnda Landhelgisgæslunnar og flugvirkja lauk í gær klukkan 19:00 án árangurs. Varði hann í einar tíu klukkustundir. Sjómannasamband Íslands og fleiri hagsmunaaðilar höfðu lýst yfir miklum áhyggjum af stöðu mála og hvatt deiluaðila til þess að komast að niðurstöðu.

Samkvæmt heimildum DV munu þingflokkar stjórnarflokkanna þriggja funda klukkan 12:00 þar sem frumvarpið verður rætt. Þingfundur hefst svo klukkan 14:00, sem fyrr sagði, og má vænta þess að eina málið á dagskrá verði afgreiðsla frumvarps Áslaugar.

spot_img
spot_img
spot_img

Innlendar Fréttir