4 C
Grindavik
9. maí, 2021

Sagan með Manchester City í liði

Skyldulesning

Manchester City komst í kvöld í fyrsta skipti í sögunni í úrslit Meistaradeildar Evrópu. Ef marka má gengi liðsins á tímabilinu til þessa ætti úrslitaleikurinn að vera gönguferð í garðinum. Ef marka má söguna allavega.

Manchester City vann París Saint-Germain 2-0 í kvöld. Þar með hefur liðið unnið 11 af 12 leikjum sínum í Meistaradeild Evrópu á leiktíðinni, það er jöfnun á metin. 

Þetta er í fjórða skipti sem lið kemst í úrslitaleikinn eftir að vinna 11 af 12 leikjum sínum síðan núverandi leikskipulag var tekið upp tímabilið 2003/2004.

Real Madrid gerði þetta tímabilið 2013/2014, Barcelona ári síðar og Bayern Munchen á síðustu leiktíð. Þessi lið fóru öll alla leið og unnu titilinn.

Þá er vert að taka fram að Man City hefur ekki enn tapað leik í Meistaradeildinni á leiktíðinni og liðið hefur aðeins fengið á sig fjögur mörk í leikjunum tólf.

Að lokum er Man City fyrsta enska liðið til að vinna sjö leiki í röð í Evrópukeppni bikarhafa eða Meistaradeild Evrópu. Manchester United [1965-1966], Leeds United [1969-1970] og Arsenal [2005] unnu öll sex í röð.

Annað kvöld kemur í ljós hvort Chelsea eða Real Madrid mætir Manchester City í úrslitaleiknum síðar í mánuðinum. Staðan er 1-1 en liðin mætast á Stamford Bridge klukkan 19.00 á morgun.


Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

spot_img
spot_img
spot_img

Innlendar Fréttir