10.7 C
Grindavik
31. júlí, 2021

Sannfærður um að makrílveiðin glæðist

Skyldulesning

Makríll dreginn úr sjó.

Ljósmynd/Þorgeir Baldursson

Lítið er að frétta af makrílveiðum íslenska flotans enn sem komið er. Skip frá Síldarvinnslunni eru í Smugunni að reyna fyrir sér sem og skip frá Vinnslustöðinni í Vestmanneyjum, Skinney-Þinganesi, Eskju og fleirum. 

Vont hefur verið í sjóinn í nokkurn tíma á miðunum en nú er tekið að lægja. 

„Makrílveiðin hefur verið róleg síðustu daga. Það fer eitthvað að lagast veðrið svo þetta fer vonandi eitthvað að glæðast,“ segir Gunnþór Ingvason, framkvæmdastjóri Síldarvinnslunnar, í samtali við mbl.is. 

Makrílskip Síldarvinnslunnar leituðu makríls innan íslensku fiskveiðilögsögunnar í síðustu viku en fundu lítið af veiðanlegum fiski. 

Fór svo að skipin voru send aftur í Smuguna um helgina og er sem fyrr segir tíðindalítið af veiðum þar nyrðra. 

Gunnþór kveðst sannfærður um að makríllinn fari að veiðast í þokkalegu magni. „Við þurfum bara að veiða, það er ekkert annað í stöðunni. Þetta er aðeins öðruvísi en síðustu ár en þetta kemur,“ segir Gunnþór. 

spot_img
spot_img
spot_img

Innlendar Fréttir