3 C
Grindavik
28. febrúar, 2021

Schumacher keppir fyrir Haas á næstu leik­tíð

Skyldulesning

Formúla 1

Mick Schumacher mun feta í fótspor föður síns og keppa í Formúlu 1 á næstu leiktíð. Sléttum 30 árum eftir að faðir hans gerði það í fyrsta sinn.
Mick Schumacher mun feta í fótspor föður síns og keppa í Formúlu 1 á næstu leiktíð. Sléttum 30 árum eftir að faðir hans gerði það í fyrsta sinn.
Joe Portlock/Getty Images

Mick Schumacher, sonur þýsku goðsagnarinnar Michael Schumacher, hefur skrifað undir hjá Haas og mun keppa með liðinu í Formúlu 1 á næsta keppnistímabili.

Um er að ræða samning til fjölda ára samkvæmt frétt BBC. Félagi hans hjá Haas verður Rússinn Nikita Mazepin. Hinn 21 árs gamli Þjóðverji er sem stendur efstur í Formúlu 2 en keppni þar lýkur nú um næstu helgi. Hann er enn einn ökumaður Formúlu 1 sem kemur úr akademíu Ferrari.

„Möguleikinn að vera á Formúlu 1 braut á næsta ári gerir mig mjög hamingjusaman,“ sagði Schumacher í viðtali eftir að koma hans til Haas var staðfest. Þá þakkaði hann Haas fyrir traustið sem honum væri sýnt ásamt því að þakka foreldrum sínum og öllum þeim sem hefðu hjálpað til við að láta drauminn rætast.

Schumacher yngri mun því að öllum líkindum keppa í sínum fyrsta Formúlu 1 kappakstri sléttum 30 árum eftir að faðir hans gerði slíkt hið sama. Mick segir að samanburðurinn við föður sinn trufli sig ekki neitt og að Michael hafi alltaf verið hans helsta fyrirmynd.

Mick hefur hægt og rólega unnið sig upp innan Formúlunnar. Eftir að hafa landað sigri í Formúlu 3 á aðeins sínu öðru ári þar árið 2018 þá færði hann sig upp í Formúlu 2. Þar hefur hann verið í tvö ár og er hársbreidd frá því að landa sigri þar.

Það má því með sanni segja að Schumacher eigi sætið í Formúlu 1 skilið, nú er bara að bíða og sjá hvort hann geti leikið afrek föður síns eftir.


Tengdar fréttir


Lewis Hamilton, ökumaður Mercedes í Formúlu 1 kappakstrinum, jafnaði í dag met goðsagnarinnar Michael Schumacher er hann vann sinn 91. kappakstur í Formúlu 1. 


Mick Schumacher – sonur Michael Schumacher – mun þreyta frumraun sína í Formúlu 1 kappakstrinum í næsta mánuði.




Fleiri fréttir

Sjá meira

Innlendar Fréttir