0.8 C
Reykjavik
Mánudagur 27 mars 2023

Segir að fleiri heimsfaraldrar muni skella á okkur – DV

Related stories

spot_img

Eins og staðan er núna má segja að heimsfaraldur kórónuveirunnar heyri sögunni til. Að minnsta kosti fer lítið fyrir faraldrinum en hann er þó ekki alveg horfinn af sjónarsviðinu. En það munu koma fleiri heimsfaraldrar í framtíðinni. Þetta sagði Henrik Ullum, forstjóri dönsku smitsjúkdómastofnunarinnar (Statens Serum Institut) í samtali við Politiken um helgina.

Viðtalið var tekið í tilefni þess að á laugardaginn voru þrjú ár liðin frá því að Mette Frederiksen, forsætisráðherra, tilkynnti á fréttamannafundi um umfangsmikla stöðvun samfélagsstarfsemi, lokun landamæranna og fleiri aðgerðir vegna heimsfaraldurs kórónuveirunnar.

Ullum sagði að þrátt fyrir að við höfum að mestu lagt heimsfaraldurinn að baki okkur þá getum við engan veginn varpað öndinni léttar. „Við sáum hvernig kórónuveiran breiddist leifturhratt frá Kína til annarra heimshluta með flugfarþegum. Í gamla daga gat það tekið nýja sjúkdóma mörg ár að breiðast út, því fólk ferðaðist ekki þvers og kruss um heiminn. Núna er þetta öðruvísi,“ sagði hann.

Hann sagðist ekki geta sagt til um hvenær megi reikna með nýjum heimsfaraldri en sagði að hækkandi hiti, stríð og flóttamenn geti skapað betri skilyrði fyrir heimsfaraldra. Einnig sé dýrahald okkar stór áhættuþáttur.

Smit geti borist í fólk úr mörgum dýrum. Það sem augun beinist mest að núna sé fuglainflúensa af H5N1 stofni. Hún valdi mjög alvarlegum veikindum.

Alþjóðaheilbrigðismálastofnunin WHO tilkynnti í lok febrúar að grannt sé fylgst með fuglaflensunni. Hún berst sjaldan í fólk og þegar það gerist er það aðallega fólk sem hefur verið í náinni snertingu við sýkta fugla sem smitast. Dánartíðnin er um 50-60%.

Nýjast

spot_img