5 C
Grindavik
2. mars, 2021

Segir að lýðræðið hafi nærri dáið

Skyldulesning

Það eru ekki auðveld verk sem bíða Joe Biden, sem nú er tekinn við sem forseti Bandaríkjanna, og strax á fyrsta degi þurfti hann að láta hendur standa fram úr ermum. Hann hafði skipulagt sannkallaða útdælingu forsetatilskipana á fyrstu tíu dögum sínum í embætti en þær getur hann gefið út og látið hrinda í framkvæmd án þess að þingið þurfi fyrst að samþykkja þær. Verkefnin eru svo mörg og stór að hann getur ekki leyft sér að bíða og því eru hendur látna standa fram úr ermum.

Meðal tilskipananna eru að bann við komum fólks frá múslimaríkjum til Bandaríkjanna verður fellt úr gildi, Bandaríkin gerast aftur aðilar að Parísarsáttmálanum og einnig er að finna tilskipun um að sameina eigi börn og foreldra sem hafa verið aðskilin við komuna til Bandaríkjanna þegar þau komu ólöglega yfir landamærin.

Á fyrstu 100 dögum sínum í embætti ætlar hann einnig að setja meiri kraft í bólusetningar gegn kórónuveirunni og koma 1,9 billjóna dollara hjálparpakka til almennings og efnahagslífsins í gang.

Michael Beschlos, sagnfræðingur, hefur skrifað bækur um marga af forsetum Bandaríkjanna en hann segir erfitt að finna dæmi um forseta sem hefur staðið frammi fyrir álíka áskorunum og verkefnum og Biden. „Biden stendur frammi fyrir mörgun aðkallandi vandamálum sem þarf að leysa strax,“ hefur AP eftir honum.

Hann telur að forsetatíð Trump sýni vel hversu brothætt bandarískt lýðræði sé. „Lýðræðið okkar var nærri dáið. Bandaríkjamenn munu sjá Biden sverja eið og átta sig á hversu mikilvægt það er að vernda lýðræðið,“ sagði hann.

Innlendar Fréttir