5 C
Grindavik
6. maí, 2021

Segir eig­endur líkams­ræktar­stöðva í­huga réttar­stöðu sína vegna sótt­varna­að­gerða

Skyldulesning

Einn eiganda crossfitstöðvarinnar Granda 101 segir að eigendur líkamsræktarstöðva íhugi nú réttarstöðu sína vegna sóttvarnaaðgerða stjórnvalda. Eigendurnir séu í daglegum samskiptum og eigi fund með lögfræðingi á morgun.

Líkamsræktarstöðvar hafa verið lokaðar síðan í byrjun október, með nokkurra daga hóptímaglugga í lok þess mánaðar. Með nýjum sóttvarnareglum sem taka gildi á fimmtudag verður stöðvunum áfram lokað til 12. janúar hið minnsta.

Þröstur Jón Sigurðsson eigandi Sporthússins sagði í samtali við Vísi fyrr í dag að hann hefði fyllst örvæntingu við fréttirnar. Jakobína Jónsdóttir einn eigenda Granda 101 tók í sama streng í viðtali við Reykjavík síðdegis í dag.

„Ég held að við eigendur líkamsræktarstöðva getum verið sammála um það að þetta sé ansi svartur dagur hjá okkur.“

Hún kvaðst ekki endilega hafa átt von á öðru en að líkamsræktarstöðum yrði áfram gert að hafa lokað. Hún væri hætt að gera sér vonir um annað. Þá sagði hún að sér þætti einkennilegt að opna mætti sundlaugar en ekki líkamsræktarstöðvar, einkum í ljósi þess að ein mesta smithættan hafi verið sögð í búningsklefum – sem gestir sundlauga þurfi að sjálfsögðu að nota.

„Í rauninni hefur eini sameiginlegi snertiflöturinn hjá okkur sem höfum verið með hóptíma verið hurðarhúnn, inn og út. Þannig að manni finnst þetta ekki sanngjarnt,“ sagði Jakobína.

„Við erum tuttugu manns, eigendur líkamsræktarstöðva, í daglegum samskiptum og það veit enginn um neitt smit innan sinnar stöðvar. Mér finnst það segja mjög mikið. Líkamsræktarstöðvar hafa fylgt mjög ströngum sóttvörnum frá því í vor.“

Sýnist að aðgerðirnar séu ekki löglegar

Fram kom í svari almannavarna við fyrirspurn fréttastofu í október að 110 kórónuveirusmit hefðu verið rakin beint til líkamsræktarstöðva og annarrar íþróttaiðkunar. Þar voru ekki meðtalin afleidd smit sem væntanlega hlaupa á hundruðum.

Stór hluti þessara smita er rakinn til hópsýkingar í Hnefaleikafélagi Kópavogs en tölurnar frá almannavörnum voru þó ekki sundurliðaðar.

Jakobína sagði að hópur eigenda líkamsræktarstöðva væri nú að skoða réttarstöðu sína vegna sóttvarnaaðgerðanna.

„Já, við erum búin að vera að skoða hana núna og höfum verið í sambandi við nokkra lögfræðinga og erum einmitt að fara að hittast á morgun á fundi. Við ætlum að fara aðeins að skoða þetta en okkur sýnist á öllu að þetta sé í rauninni ekki löglegt, þessar lokanir. Þannig að við ætlum að kafa dýpra í það,“ sagði Jakobína.

„Við höfum fengið lögfræðinga til okkar sem hafa í rauninni bent okkur á að við ættum að opna, fá fólk til okkar, fá lögregluna á staðinn, fá sekt og kæra sektina og fara í mál. Sem allir hafa sagt að við myndum örugglega vinna. En auðvitað viljum við gera þetta í sátt og samlyndi með stjórnvöldum.“


Tengdar fréttir


Eigandi Sporthússins telur það mismunun að halda líkamsræktarstöðvum lokuðum til 12. janúar hið minnsta, líkt og gert er ráð fyrir í nýjum sóttvarnareglum sem taka gildi á fimmtudag. Hann segir fréttir dagsins áfall og tjónið sem af lokununum hlýst gríðarlegt.


Samkomubann mun áfram miðast við tíu manns til 12. janúar með nýjum sóttvarnareglum sem taka gildi á fimmtudag. Allar verslanir munu þó geta tekið við fimm manns á hverja tíu fermetra, mest hundrað manns, og þá verða sundlaugar opnaðar. 


Einkaþjálfari sem selur líkamsræktartíma segist ekki telja þá falla undir skilgreiningu á íþróttastarfi sem er bannað samkvæmt sóttvarnareglum. Embætti landlæknis segir tímana virðast brot á samkomureglum óháð hversu fjölmennir þeir eru.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

spot_img
spot_img
spot_img

Innlendar Fréttir