7 C
Grindavik
23. apríl, 2021

Segir stærstu lið Evrópu keppast um „ís­lenska undra­barnið“

Skyldulesning

Ísak Bergmann Jóhannesson heldur áfram að vekja athygli erlendis.
Ísak Bergmann Jóhannesson heldur áfram að vekja athygli erlendis.
IFK Norrköping

Vefmiðillinn Goal birti í dag ítarlega grein um „íslenska undrabarnið“ Ísak Bergmann Jóhannesson. Vefmiðillinn er einkar vinsæll og er til að mynda með 1.8 milljón fylgjenda á Twitter-síðu sinni. 

Það má því reikna með að Ísak Bergmenn verði enn umtalaðri en hann fyrir.

Í greininni segir að frammistaða hins 17 ára gamla Skagamanns með Norrköping í Svíþjóð hafi vakið athygli stórliða á borð við Real Madrid, Liverpool, Manchester United og Juventus og séu þau öll að íhuga að festa kaup á leikmanninum.

His club had to turn scouts away because so many teams want to watch him!

Klopp’s Liverpool are known to be interested, while Man Utd, Real Madrid and Juventus have also been linked #NxGn

— Goal News (@GoalNews) December 15, 2020

Real Madrid er nú þegar með einn Íslending á sínum snærum – það er Andri Guðjohnsen, sonur Eiðs Smára – og er talið að Real stefni á að bæta Ísaki við listann af ungum Íslendingum í herbúðum félagsins.

Norrköping er talið vel stætt og þarf því ekki að selja Ísak á næstunni. Talið er að félagið gæti því fengið dágóða summu fyrir leikmanninn er stórlið Evrópu keppast við að landa honum. Í greininni er ættfræði Ísaks Bergmanns skoðuð en hann er sonur Jóhannes Karls Guðjónssonar, fyrrum atvinnu- og landsliðsmanns. Jóhannes Karl þjálfar í dag ÍA í Pepsi Max deild karla.

Bræður hans eru svo fyrrum landsliðsmennirnir Bjarni og Þórður Guðjónssynir. Afi Ísaks er svo að sjálfsögðu Guðjón Þórðarson sjálfur. Jafnframt er tekið fram að Ísak sé með skynsaman umboðsmann og fjölskyldu sem viti hvernig fótboltaheimurinn virkar. Því sé ólíklegt að það verði stokkið á fyrsta gylliboð sem berst.

Talið er að Norrköping geti fengið allt að sjö milljónir punda fyrir Ísak Bergmann eða um það bil 1.2 milljarða íslenskra króna.

Son of a former Premier League midfielder

Fifth-youngest Iceland international ever

Four goals & 12 assists in first senior season

There’s a reason all of Europe’s top clubs want to sign Isak Bergmann Johannesson.#NxGn profile of the 17-year-old: https://t.co/LDcguROSYD

— Tom Maston (@TomMaston) December 15, 2020

Hver upphæðin verður á eftir að koma í ljós en ef Ísak Bergmann heldur áfram á sömu braut er ljóst að hann verður kominn í töluvert stærra lið áður en langt um líður.


Tengdar fréttir


Öll bestu lið Evrópu eiga að hafa sýnt íslenska unglingalandsliðsmanninum Ísaki Bergmann Jóhannessyni áhuga samkvæmt yfirnjósnara hjá liðinu hans IFK Norrköping.


Enn fjölgar í hópi þeirra stórliða sem sýna Ísaki Bergmann Jóhannessyni áhuga.


Ensku götublöðin eru farin að geta sér til um það hvaða stórlið muni hreppa hinn 17 ára gamla Ísak Bergmann Jóhannesson sem á dögunum lék sinn fyrsta A-landsleik í fótbolta.


Ítalska stórliðið Juventus fylgdist með Ísaki Bergmanni Jóhannessyni er Norrköping lagði Kalmar af velli í sænsku úrvalsdeildinni í dag. 


Ísak Bergmann Jóhannesson fékk vægast sagt mikið hrós frá Jens Gustafsson, þjálfara sínum, eftir 2-2 jafntefli Norrköping og AIK í sænsku úrvalsdeildinni í kvöld.


Ísak Bergmann Jóhannesson sagði frá draumaklúbbnum eftir síðasta leik en vildi samt ekki útloka það að spila með erkifjendunum.




Fleiri fréttir

Sjá meira

spot_img
spot_img
spot_img

Innlendar Fréttir