-3 C
Grindavik
22. janúar, 2021

Sex smit greindust innanlands

Skyldulesning

Heilbrigðisstarfsfólk á Landspítalanum.

Heilbrigðisstarfsfólk á Landspítalanum.

Ljósmynd/Landspítali/Þorkell Þorkelsson

Alls greindust sex með kórónuveiruna innanlands í gær. Einn var í sóttkví við greiningu. Þetta kemur fram á Covid.is. 

28 eru nú á sjúkrahúsi vegna Covid-19, þar af eru tveir á gjörgæslu, sem er einum færra en í gær.

Tekið var 2.461 sýni. 

139 eru í einangrun, sem er fækkun um tvo frá því í gær. 582 eru í sóttkví, sem er fjölgun um 30. 

Á landamærunum greindust 11 smit. Í tveimur tilfellum er beðið eftir mótefnamælingu og þrír voru með mótefni.

14 daga nýgengi innanlandssmita á hverja 100 þúsund íbúa er það sama og í gær, eða 28,6. Hvað landamærasmitin varðar hækkað það úr 15,3 í 15,8. 

84 eru nú í einangrun á höfuðborgarsvæðinu, sem er tveimur færrra en í gær. Líkt og í gær eru 27 í einangrun á Suðurnesjum og 15 á Suðurlandi. Þrír eru í einangrun á Norðurlandi vestra og þrír á Vesturlandi, sem er fjölgun einn frá því í gær. 

Innlendar Fréttir