0 C
Grindavik
23. nóvember, 2020

Sextán í úrúgvæska landsliðinu greinst með kórónuveiruna

Skyldulesning

Fótbolti

Diego Godín var í tapliði Úrúgvæ gegn Brasilíu á þriðjudaginn og hefur nú greinst með kórónuveiruna.
Diego Godín var í tapliði Úrúgvæ gegn Brasilíu á þriðjudaginn og hefur nú greinst með kórónuveiruna.
getty/Matilde Campodonico

Diego Godín, fyrirliði úrúgvæska landsliðsins í fótbolta, fékk jákvæða niðurstöðu úr kórónuveiruprófi. 

Hann er sá sextándi í úrúgvæska hópnum sem hefur greinst með veiruna síðan liðið kom saman fyrir rúmri viku.

Meðal þeirra leikmanna Úrúgvæ sem hafa greinst með veiruna er Luis Suárez. Hann missti af leik Úrúgvæ og Brasilíu á þriðjudaginn verður einnig fjarri góðu gamni þegar Atlético Madrid mætir hans gömlu félögum í Barcelona í spænsku úrvalsdeildinni annað kvöld.

Godín leikur með Cagliari og missir af leik liðsins gegn meisturum Juventus í ítölsku úrvalsdeildinni á morgun.

Úrúgvæ vann Kólumbíu, 0-3, í Suður-Ameríkuriðlinum í undankeppni HM fyrir viku og tapaði svo fyrir Brasilíu, 0-2.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir