1 C
Grindavik
17. janúar, 2021

Síðasta 4ra-hreyfla þota SAS í síðasta fluginu yfir Íslandi

Skyldulesning

SAS-þotan Astrid Viking, af gerðinni Airbus A340, lagði upp frá Kaupmannahöfn í morgun áleiðis til Tucson í Arizona þar sem hennar bíður stæði í flugvélakirkjugarði í eyðimörkinni. Flug þotunnar er sögulegt því þar með lýkur rekstri skandinavíska flugfélagsins á fjögurra hreyfla farþegaþotum.

Flugleið þotunnar lá yfir Ísland á níunda tímanum í morgun. Hún kom yfir landið yfir Djúpavogi í stefnu til norðvesturs og flaug meðal annars yfir Eyjafirði og Hofsósi.

Segja má að fjögurra hreyfla þotur séu eitt helsta fórnarlamb heimsfaraldurs covid-veirunnar. Flugfélög hafa unnvörpum nýtt tækifærið til að taka þær úr notkun, eftir því sem tveggja hreyfla-þotur hafa orðið langdrægari, enda mun hagkvæmari í rekstri. Þannig munu tveggja hreyfla Airbus A350 þotur leysa af A340 þotur SAS.

Síðasta fjögurra hreyfla þota SAS, Airbus A340, Astrid Viking.Wikimedia Commons/ Adam Moreira

Drottning háloftanna síðustu hálfa öld, Boeing 747, er einnig óðum að hverfa sem farþegaþota. Þá er mikil óvissa um framtíð Airbus A380, stærstu farþegaþotu heims. Airbus hefur tilkynnt að framleiðslu hennar verði hætt á næsta ári, þótt aðeins séu þrettán ár frá því að hún hóf farþegaflug.

Fjögurra hreyfla flugvélar voru burðarás SAS-flotans í áratugi. Meðal slíkra véla í þjónustu félagsins í gegnum tíðina má nefna Douglas DC-4, DC-6, DC-7, DC-8, Convair 990, Boeing 747 auk Airbus A340.


Tengdar fréttir


Forsvarsmenn Flugfélagsins Air Atlanta hafa ákveðið að láta rífa þrjár af sjö Boeing 747-400 farþegaþotum félagsins. Þoturnar eru á bilinu 18 til 23 ára gamlar og hafa að undanförnu verið í þjónustu Saudia-flugfélagsins, ríkisflugfélags Sádi-Arabíu.


Breska flugfélagið British Airways hefur ákveðið að leggja öllum Boeing 747 júmbó þotum sínum. Til þessa hefur ekkert annað flugfélag í heiminum notað jafnmargar júmbó þotur í flugáætlun sinni



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir