-3 C
Grindavik
26. janúar, 2021

Siðleysi siðfræðiprófessorsins – skilyrt skylda er siðleysi og fasismi.

Skyldulesning

Silfur dagsins endaði á mesta siðleysinu sem maður hefur orðið vitni að lengi, að leggja til að skilyrða skyldu á bólusetningu sem er ennþá lúmskara en hinn fasisminn að pína alla til að gangast undir bólusetningu.

Aldrei finnst mér betra að hafa hrakizt frá skólakerfinu, orðið öryrki og geðklofi en einmitt þegar ég les svona fréttir og hlusta á manninn tala, því ég sé og skil hversu miklu dýrmætara það er að hafa sjálfstæða skoðun heldur en að vera hlýðniþræll skólamafíunnar.

Er það siðlegt að neyða fólk í bólusetningu með þvingunum eins og siðfræðiprófessorinn mælist til að sé gert? Það finnst mér bara alveg fráleitt, og alveg jafn fráleitt og að pína alla til að þiggja sprautu af einhverju sem maður veit ekki hvað er.

Sem sagt, honum finnst í lagi að fólk fái ekki að ferðast á milli landa eða að njóta almennra mannréttinda eins og stjórnarskrá og lög landsins kveða á um ef það vill ekki þiggja einhverja sprautu? Maðurinn virðist gangandi dróni eða uppvakningur að tala svona, eða andsetlingur. Ég held jafnvel að yfirvöld landsins séu ekki svona langt leidd í fasískri hugsun.

Síðan vill hann fullyrða að stofnanir og sérfræðingar hafi endurheimt traust í faraldrinum. Ekki eru allir sammála um það. Hann segir að það hafi gerzt þrátt fyrir uppgang popúlista, þá á hann auðvitað við rasista og rasisma, og andúð á fjölmenningunni. Það eru til allskonar popúlistar, en þegar vinstripopúlistar tiltaka popúlisma sem neikvæðan eiga þeir við hægriöfgapopúlisma að sjálfsögðu.

Ég vil með þessari grein minni og pistli hvetja fólk til að hugsa sjálfstætt almennt og setja spurningamerki við allt sem sagt er í fjölmiðlum og kemur þar fram. Fólk á að spyrja sig, er þetta satt og rétt sem fullyrt er, stenzt það vitneskju mína og dómgreind eða upplýsingar annarsstaðar frá. Enginn er svo heilagur, háttsettur eða skreyttur af vegtyllum og embættisheiðri að geta ekki verið að reka erindi hættulegra afla eða að geta verið að boða eitthvað ósiðlegt eða rangt.

Hann talar um traust og að það sé límið í þessu. Hann minnist ekki á það af hverju stærri hluti almennings í öllum löndum er meira á móti þessari bólusetningu en áður, eða samsæriskenningarnar um að Bill Gates og fleiri standi á bakvið þetta og að þær eru háværari en nokkru sinni fyrr, hann talar ekki um reiðiölduna útaf Covid-19 og að farsóttin kunni að eiga upptök sín í Kína eða á tilraunastofum, og vegna hins skamma tíma sem hefur tekið að „búa til“ bóluefni – (þannig að sagt er að það hafi lengi verið til ásamt veirunni).

Enn betur kemur það í ljós að sprenglærðir háskólamenn lifa í firrtum fílabeinsturnum.


Innlendar Fréttir