2.3 C
Grindavik
27. janúar, 2023

Siggeir og Díana til Sýnar

Skyldulesning

Siggeir Örn Steinþórsson hefur verið ráðinn forstöðumaður Vöruþróunar og upplifunar viðskiptavina hjá Sýn og Díana Dögg Víglundsdóttir ráðin sem vörueigandi stafrænna dreifileiða.

Þetta kemur fram í tilkynningu frá Sýn. Siggeir Örn hefur verið ráðinn forstöðumaður Vöruþrónar og upplifunar viðskiptavina þar sem lykiláhersla þessarar nýju deildar verður á stefnumörkun og stafrænni vöruþróun í fjarskiptum og afþreygingu með það að leiðarljósi að bæta upplifun og ánægju viðskiptavina á bæði fyrirtækja- og einstaklingsmarkaði. 

Siggeir kemur yfir til Sýnar frá Marel þar sem hann var í teymi stafrænnar stefnumótunar þvert á fyrirtækið. Þar áður starfaði hann í sex ár hjá Arion banka þar sem hann tók virkan þátt í mótun og framkvæmd stafrænnar umbreytingar bæði bankans og dótturfélaga. 

Díana Dögg hefur verið ráðin í hlutverk vörueiganda (e. product owner) stafrænna dreifileiða innan nýrrar deildar. Síðustu þrjú ár hefur Díana starfað hjá Arion banka þar sem hún var vörustjóri Arion appsins og netbanka. Þar áður gengdi hún starfi deildarstjóra vef- og hugbúnarðarlausna Premis. 

„Siggeir kemur til okkar með öfluga og víðtæka reynslu á þessu sviði og mun leiða nýja deild inn í spennandi tíma þar sem fyrirtækið er í stórsókn þegar kemur að vöruþróun þar sem reynsla Díönu í stafrænum dreifileiðum mun koma að góðu gagni. Enn eitt púslið í nýrri stefnumörkun og framþróun fyrirtækisins þar sem viðskiptavinurinn ræður ferðinni,“ er haft eftir Yngva Halldórssyni framkvæmdastjóra rekstrarsviðs Sýnar í tilkynningunni.

Vísir er í eigu Sýnar.

spot_img
spot_img
spot_img

Innlendar Fréttir