6.3 C
Grindavik
26. september, 2021

Síldarvinnslan hlaut 19,5 milljónir úr Orkusjóði

Skyldulesning

Börkur NK landtengdur í Norðfjarðarhöfn.

Ljósmynd/Síldarvinnslan

Síldarvinnslan fékk nýverið úthlutaðan 19,5 milljón króna styrk úr Orkusjóði vegna verkefnisins „landtenging uppsjávarskipa“. Búnaður til landtenginga var tekinn í notkun í Norðfjarðarhöfn í byrjun september.

Fram kemur í færslu á vef Síldarvinnslunnar að búnaðurinn sé í eigu útgerðarinnar, en hún hefur kostað þróun hans. Þá er áætlað að hægt sé að minnka olíunotkun uppsjávarskipa um 300.000 lítra á ári þegar öll uppsjávarskip sem landa í Neskaupstað verða komin með búnað til að tengjast rafmagni er þau eru við bryggju.

„Í landtengingunni felst að skip, sem er að landa afla, fær raforku úr landi til að kæla aflann, dæla honum á land og sinna annarri raforkunotkun um borð í stað þess að framleiða orku með vélbúnaði sem nýtir olíu sem orkugjafa,“ segir í færslunni. Jafnframt er vakin athygli á að þetta sé í fyrsta sinn sem fiskiskip eru landtengd með svo aflmikilli tengingu.

Orskusjóður úthlutaði alls 470 milljónum til 100 verkefna er snúa að orkuskiptum.

spot_img
spot_img
spot_img

Innlendar Fréttir