1.3 C
Grindavik
6. febrúar, 2023

SÍS yfirsást afleiðingar breytinga á kosningarlögum

Skyldulesning

Aldís Hafsteinsdóttir, formaður Sambands íslenskra sveitarfélaga.

Aldís Hafsteinsdóttir, formaður Sambands íslenskra sveitarfélaga. mbl.is/Sigurður Bogi

Aldís Hafsteinsdóttir, formaður Sambands íslenskra sveitarfélaga, segir í samtali við mbl.is að sambandinu hafi yfirsést afleiðingar breyttra reglna um hæfi kjörstjórnarmanna er kosningarlögin voru í umsagnarferli.

Kosn­inga­lögin voru samþykkt á síðasta þingi og tóku gildi um ára­mót­in. Reyn­ir því í fyrsta skipti á þau í kom­andi sveit­ar­stjórn­ar­kosn­ing­um.

Full­trúi í kjör­stjórn má ekki eiga maka, fyrr­ver­andi maka, nú­ver­andi eða fyrr­ver­andi sam­býl­is­mann eða -konu, for­eldri, barn, systkin, mág eða mág­konu sem eru í fram­boði. Þá ná nýju regl­urn­ar líka yfir systkina­börn, barna­börn, afa, ömmu og systkini for­eldra.

„Ég verð bara að viðurkenna að afleiðingar þess fóru framhjá okkur. Það voru einhver sveitarfélög sem gerðu athugasemdir en í umsögn sambandsins þá hefur þetta farið framhjá okkur, að þetta myndi hafa svona mikil áhrif,“ segir Aldís. 

Út fyrir ákvæði sveitarstjórnarlaga

Hún segir það ekki vera spurningu að það þurfi að breyta lögunum. 

„Það þarf að taka þetta til endurskoðunar. Þetta er alltof víðtækt,“ segir Aldís og nefnir til dæmis að í Reykjavík séu hátt í 500 manns í framboði sem þýði að vanhæfið verði svo víða. 

Þá hafi þetta einnig mikil áhrif í smærri sveitarfélögum þar sem færri búa. 

„Þetta er komið langt út fyrir þau ákvæði sem sett voru í sveitarstjórnarlögum,“ segir hún og bætir við að í sveitarstjórnarlögum séu tilgreind ákvæði um vanhæfi. 

„Þetta gengur miklu lengra heldur en þau lög. Við verðum auðvitað að taka það til endurskoðunar og ræða við dómsmálaráðuneytið.“

spot_img
spot_img
spot_img

Innlendar Fréttir