9.3 C
Grindavik
25. september, 2022

Sjáðu stór­brotið mark Karó­­­línu Leu, súrt mark Ítalíu og magnaða mark­vörslu­ Söndru

Skyldulesning


Þessi söng í netinu.
Þessi söng í netinu. Vísir/Vilhelm

Það var líf og fjör í D-riðli Evrópumóts kvenna í fótbolta í gær. Ísland og Ítalía gerðu 1-1 jafntefli þar sem Karólína Lea Vilhjálmsdóttir skoraði glæsilegt mark. Frakkland vann Belgíu 2-1 þar sem sigurliðið brenndi af vítaspyrnu sem gæti reynst íslenska liðinu dýr.

Ísland og Ítalía mættust í leik sem báðar þjóðir urðu í raun að vinna ætluðu þær sér áfram í 8-liða úrslit Evrópumótsins. Stelpurnar okkar gátu vart byrjað betur en eftir langt innkast Sveindísar Jane Jónsdóttur féll boltinn fyrir Karólínu Leu sem smellti honum upp í samskeytin úr miðjum teig Ítalíu. Ísland 1-0 yfir og íslenska þjóðin farin að láta sig dreyma.

Ítalía jafnaði metin eftir vel útfærða sókn þegar klukkustund var liðin af leiknum. Eftir það fengu bæði lið góð færi til að tryggja sér sigur.

Á meðan skot íslenska liðsins rötuðu ekki á markið þá átti Sandra Sigurðardóttir – sem var best í íslenska liðinu að mati íþróttadeildar Vísis – frábæra markvörslu sem tryggði Ísland á endanum 1-1 jafntefli.

Í hinum leik D-riðils vildum við Íslendingar sjá eins stóran franskan sigur og mögulegt væri til að auka vonir okkar um að komast áfram. Frakkland skoraði snemma leiks.

Á einhvern undraverðan hátt tókst Belgíu að jafna metin þegar 36 mínútur voru liðnar. Janice Cayman með markið eftir stórkostlegan undirbúning Tessu Wullaert.

Frakkland svaraði skömmu síðar. Mbock Bathy gjörsamlega hamraði boltann með höfðinu í netið eftir fyrirgjöf Clöru Mateo og staðan orðin 2-1. Reyndust það lokatölur. 

Hin reynslumikla Wendie Renard fékk gullið tækifæri til að aðstoða Ísland aðeins er Frakkland fékk vítaspyrnu undir lok leiks, og Amber Tysiak fékk sitt annað gula spjald. Ekki nóg með að Renard lét verja spyrnu sína heldur brenndi hún af á markteig er frákastið hrökk til hennar. 


Tengdar fréttir

Svekkjandi 1-1 jafntefli niðurstaðan í leik Íslands og Ítalíu í D-riðli Evrópumóts kvenna í fótbolta eftir frábæra byrjun íslenska liðsins.

Íslensku stelpurnar gátu verið svekktar með jafntefli í fyrsta leiknum á móti Belgíu á EM í Englandi en þær gátu þakkað fyrir stigið í öðrum leiknum á móti Ítalíu. Ísland og Ítalía gerðu 1-1 jafntefli í Manchester í dag þar sem Ítalir voru mun betra liðið eftir sannkallaða draumabyrjun íslenska liðsins.

Ísland tók á móti Ítalíu í öðrum leik sínum á EM í fótbolta fyrr í dag. Leikar enduðu með jafntefli í svekkjandi leik 1-1. Eins og venja er þá höfðu bæði leikmenn og lærðir skoðun á leiknum, lögðu mat á frammistöðuna og sýndu frá stemmningunni.

Ísland gerði 1-1 jafntefli við Ítalíu í öðrum leik liðsins á Evrópumótinu á Englandi. Hér er hægt að sjá einkunnir íslensku leikmannanna í leiknum þar sem Sandra Sigurðardóttir í markinu var valin maður leiksins.

Frakkland tryggði sér sæti í átta liða úrslitum Evrópumóts kvenna í fótbolta með 2-1 sigri sínum gegn Belgíu í leik liðanna í D-riðli mótsins í kvöld. 




Fleiri fréttir

Sjá meira

spot_img
spot_img
spot_img

Innlendar Fréttir