Lilleström er komið aftur upp í norsku úrvalsdeildina eftir árs veru í næst efstu deild. Þetta varð ljóst eftir að Sogndal tapaði gegn Jerv í dag.
Lilleström gerði 1-1 jafntefli gegn Ham Kam í gær og það stig hefur nú tryggt liðinu upp um deildina.
Lokaumferðin fer fram næstu helgi en Lilleström hefur sex stiga forskot á Sogndal sem situr í öððru sæti, Tromsö er í efsta sæti.
Skagamennirnir Arnór Smárason, Björn Bergmann Sigurðarson og Tryggvi Hrafn Haraldsson eru í herbúðum Lilleström. Tryggvi kom til félagsins í haust og hefur raðað inn mörkum, hann er samningslaus eftir tímabilið.
💛🖤🔝🔝🔝 pic.twitter.com/gpcnT09uNs
— Arnór Smárason (@arnorsmaRa) December 7, 2020
