10.2 C
Grindavik
24. júní, 2021

Skelfilegt klúður og aftur hélt Rúnar Alex hreinu

Skyldulesning

Enski boltinn

Rúnar Alex Rúnarsson með boltann í höndunum í leiknum í Molde í gær.
Rúnar Alex Rúnarsson með boltann í höndunum í leiknum í Molde í gær.
Getty/Erik Birkeland

Rúnar Alex Rúnarsson hélt marki Arsenal hreinu í Molde í gær og hér má sjá svipmyndir af frammistöðu hans.

Rúnar Alex  hélt marki Arsenal aftur hreinu í öðrum leik sínum fyrir félagið, í 3-0 sigrinum gegn Molde í Noregi í gær.

Báðir leikir Rúnars Alex fyrir enska stórliðið hafa komið í Evrópudeildinni og í bæði skiptin hefur Arsenal unnið 3-0. Fyrri leikurinn var við írska liðið Dundalk á Emirates-vellinum í Lundúnum.

Líkt og gegn Dundalk átti Rúnar Alex frekar náðugan dag í Noregi í gær en í fyrri hálfleiknum átti Molde þó í fullu tré við Arsenal.

Minnstu munaði að Molde kæmist yfir á 15. mínútu þegar Sheriff Sinyan náði til boltans í algjöru dauðafæri fyrir opnu marki, en hann skaut boltanum óvart beint á Rúnar Alex. Hann náði að slá boltann til Shkodran Mustafi sem hreinsaði í burtu. 

Að öðru leyti reyndi lítið á íslenska landsliðsmanninn en hér að neðan má sjá hluta af því sem hann gerði á Aker-vellinum í gær.

Klippa: Rúnar Alex gegn Molde

spot_img
spot_img
spot_img

Innlendar Fréttir