8 C
Grindavik
22. apríl, 2021

Skiptir Magni um starf hjá AIK?

Skyldulesning

Fótbolti

Magni Fannberg gæti verið næsti aðstoðarþjálfari AIK.
Magni Fannberg gæti verið næsti aðstoðarþjálfari AIK.
Start Magazine

Magni Fannberg gæti orðið næsti aðstoðarþjálfari sænska úrvalsdeildarliðsins AIK. Hann starfar nú sem þróunarstjóri hjá félaginu.

Samkvæmt heimildum sænska miðilsins Expressen er Patric Jildefalk, aðstoðarþjálfari liðsins, að öllum líkindum að fara taka við B-deildarliði Jönköping Södra. Liðið fór alla leið í úrslitaleik umspilsins um sæti í sænsku úrvalsdeildinni á næstu leiktíð en tapaði þar fyrir Kalmar.

Magni er samningsbundinn AIK til ársins 2022 og starfar eins og áður sagði sem þróunarstjóri félagsins. Þar áður var hann hjá norska félaginu Brann í sama hlutverki.

AIK er eitt af stærstu liðum Svíþjóðar og hefur unnið tólf sinnum orðið sænskur meistari, síðast árið 2018. Tímabilið í ár gekk hins vegar ekki nægilega vel og endaði liðið í 9. sæti með 39 stig í 30 leikjum. Þjálfaraskipti urðu hjá félaginu í upphafi tímabils en Rikard Norling var þá látinn taka poka sinn og tók Bartosz Grzelak – þáverandi aðstoðarþjálfari – við stjórnartaumunum.

Kolbeinn Sigþórsson hefur leikið með félaginu frá mars 2019 en landsliðsframherjinn hefur fengið þau skilaboð að hann megi finna sér nýtt lið.

Mbl.is ræddi stuttlega við Magna um mögulega breytingu á starfi hans hjá sænska félaginu.

„Ég er mjög ánægður í mínu starfi hjá AIK og vonast til að vera hérna í mörg ár í viðbót. Hvort ég verði þá inn í þjálfarateyminu eða í einhverju öðru hlutverki verður bara að koma í ljós. Það er undir öðrum komið,“ sagði Magni Fannberg í stuttu viðtali við mbl.is um málið.

spot_img
spot_img
spot_img

Innlendar Fréttir